Արտահերթը չկայացավ՝ ՍԴ-ի վերաբերյալ աղմկահարույց նախագիծը հետ է կանչվել

ԱԺ պատգամավորների նախաձեռնությամբ այսօր հրավիրվել է ԱԺ արտահերթ նիստ, որի օրակարգում ընդգրկվել է 2 հարց, սակայն  նախաձեռնողն այսօր առավոտյան հետ է կանչել արտահերթ նիստի օրակարգում ընդգրկված նախագծերը: Այս մասին խորհրդարանում հայտարարեց ԱԺ նախագահ Արարատ Միրզոյանը:

Ըստ այդմ, նիստը համարվում է փակված:

«Ինչ-որ տեխնիկական խնդիրների պատճառով նախագծերը հետ են կանչվել: Այսօր առավոտյան նախաձեռնողը նոր համանման օրենքի նախագիծ է դրել շրջանառության մեջ: «Իմ քայլը» խմբակցությունը միջնորդել է կրկին հրավիրել ԱԺ խորհրդի արտահերթ նիստ: Մենք մեկ ժամից կունենանք խորհրդի արտահերթ նիստ, որտեղ կքննարկելու ենք համանման միջնորդություն այսօր գումարել ԱԺ արտահերթ նիստ»,-ասաց Արարատ Միրզոյանը՝ հորդորելով պատգամավորներին մնալ ԱԺ շենքում: