Նախնական տեղեկությունների տուժածներ չկան. Ահարոնյանը՝ Էրեբունի պլազայում» կրակոցների մասին

Բոլոր հանգամանքները ստուգվում են: Ըստ նախնական տեղեկությունների տուժածներ չկան: Լրագրողների հետ ճեպազրույցում այս մասին հայտարարել է ոստիկանության լրատվական վարչության պետ Աշոտ Ահարոնյանը՝ անդրադառնալով «Էրեբունի Պլազայում» հնչած կրակոցներին։

Նա հիշեցրել է, որ այսօր ժամը 14։43-ին քաղաքացիներից ահազանգ է ստացվել, որ «Էրեբունի պլազայում» զինված անձ կա: «Դեպքի վայր են ժամանել տարբեր իրավապահ կառույցների ներկայացուցիչներ, ոստիկանության տարբեր ստորաբաժանումների ծառայողներ, ոստիկանությանղ եկավար կազմը: Համապատասխան գործողություններ են իրականացվում այս պահին:

Բոլոր հանգամանքները ստուգվում են: Ըստ նախնական տեղեկությունների տուժածներ չկան: Բոլոր հանգամանքները կստուգվեն»,-ասել է նա:

Տարածքում են գտնվում նաև շտապօգնության աշխատակիցները: Դեպքի վայրում են ոստիկանության և ԱԱԾ ուժերը: Հյուրանոցի շենքում գտնվող TV5-ի գրասենյակում եւս ոստիկաններ են: