Նախիջևանի կայազորի զորքերը մարտական պատրաստության են բերվել

Ադրբեջանի բանակի մասշտաբով մեկնարկած օպերատիվ զորավարժությունների շրջանակներում՝ Նախիջևանի կայազորի զորամիավորումներն ու զորամասերը ոտքի են հանվել «տագնապի» ազդանշանով և մարտական պատրաստության բերվել:

Երեք փուլով անցկացվող զորավարժությունների ընթացքում առաջին էշելոնի ստորաբաժանումները խաղարկում են պայմանական հակառակորդի հանկարծակի հարձակումը հետ մղելու, մարտական պատրաստության և տեխնիկայի գծով ռեզերվային մասնագետների ներգրավման գործողություններ, համազորային, տանկային, դեսանտային և հակադիվերսիոն ռեզերվները մարտական կրակ կիրականացնեն: