Սանցագործ Էրդողանը գրոհում է Սիրիայի հյուսիսի անվտանգ բնակչության դեմ. Դամասկոս

Այսօր հանցագործ Էրդողանը գրոհում է Սիրիայի հյուսիսի անվտանգ բնակչության դեմ՝ իբր ահաբեկչության դեմ պայքարի պատրվակով։ Այս մասին ասել է ՍԱՀ արտաքին գործերի նախարարության պաշտոնական աղբյուրը, տեղեկացնում է ՍԱՆԱ պետական տեղեկատվական գործակալությունը։

Նա ընդգծել է, որ Թուրքիայի նախագահի հայտարարությունները սիրիական ժողովրդին ու նրա իրավունքները պաշտպանելու ձգտման մասին կարող են բխել միայն մի մարդուց, որը կտրված է իրականությունից։ Սիրիան դիմակայելու է թուրքական ագրեսիային բոլոր ոլորտներում, իր տարածքի ցանկացած հատվածում։

Աղբյուրն ավելացրել է, որ նման հայտարարություններ անելով հանցագործ Էրդողանն այսօր գրոհում է Սիրիայի հյուսիսի անվտանգ բնակչության վրա՝ իբր ահաբեկչության դեմ պայքարի պատրվակով։

Սիրիական Արաբական Հանրապետությունը կդիմակայի Թուրքիայի ագրեսիային բոլոր հնարավոր միջոցներով եւ կշարունակի պայքարն ահաբեկչության դեմ։ Սիրիացիների պաշտպանությունը միայն Սիրիական արաբական բանակի եւ սիրիական պետության խնդիրն է, ամփոփել է նա։