Տրանսպորտային լոգիստիկան կարևոր նախապայման է ԵԱՏՄ զարգացման համար. ՌԴ փոխվարչապետ

Տրանսպորտային ենթակառուցվածքների զարգացումն ու թվայնացումը հանդիսանում են ԵԱՏՄ ներուժի օգտագործման կարևոր պայմաններ: Այս մասին Երևանում ընթացող «Եվրասիական աշխարահամասի տարանցիկ ներուժը» խորագրով երկօրյա միջազգային համաժողովին հայտարարեց ՌԴ առաջին փոխվարչապետ, ֆինանսների նախարար Անտոն Սիլուանովը:

«Այն բանից, թե որքանով մենք ԵԱՏՄ-ում կկազմակերպենք ենթակառուցվածքային, տրանսպորտային միջանցքները, հիմնականում կախված է նաև մեր երկրների տնտեսությունների հաջողությունը: Տրանսպորտը, ինչպես և թվերը, դա ինտեգրացիոն միավորումնբերի աշխատանքի անհրաժեշտ և կարևոր պայմանն է», - ասաց Սիլուանովը:

Նա շեշտեց՝ արդյունավետ աշխատանքի համար անհրաժեշտ է անխոչընդոտ տրանսպորտային լոգիստիկա:  

«Տրանսպորտային փոխադրումների սուբսիդավորումների սկզբունքները պետք է ընդհանուր լինեն ԵԱՏՄ բոլոր պետությունների համար», - շեշտեց ռուսաստանցի նախարարը: