Արտակ Բուդաղյանը պարգեւատրվեց Արիության մեդալով

ՀՀ նախագահ Արմեն Սարգսյանը հրամանագիր է ստորագրել ՊՆ զորամասի շտաբի պետ Արտակ Բուդաղյանին Արիության մեդալով պարգեւատրելու մասին:

Այսօր նախագահի նստավայրում տեղի ունացած պաշտոնական արարողության ժամանակ Արմեն Սարգսյանն Արիության մեդալով պարգեւատրեց Արտակ Բուդաղյանին:

Արտակ Բուդաղյանը 2013 թ-ին Սյունիքի այն ժամանակվա մարզպետ Սուրի Խաչատրյանի տան մոտ սպանված գործարար Ավետիք Բուդաղյանի եղբայրն է:

Սպանության դեպքից 5 օր անց կառավարության որոշմամբ Սուրիկ Խաչատրյանն ազատվեց մարզպետի պաշտոնից:

Միջադեպից հետո Խաչատրյանի որդին ու օգնականը 3 ամիս կալանքի տակ մնալուց հետո ազատ արձակվեցին, իսկ միակ անձը, որ կատարվածի կապակցությամբ քրեական հետապնդման ենթարկվեց սպանված Ավետիք Բուդաղյանի եղբայր Արտակ Բուդաղյանն էր:

Դեպքից շուրջ մեկ տարի անց Խաչատրյանը վերանշանակվեց մարզպետի պաշտոնում: