«Եդինայա Ռոսսիա»-ն և ԲՀԿ-ն համագործակցության հուշագիր են ստորագրել

ՌԴ իշխող «Եդինայա Ռոսսիա» կուսակցության կենտրոնական գրասենյակում կուսակցության խորհրդի գլխավոր քարտուղարի տեղակալ Անդրեյ Կլիմովը և «Բարգավաճ Հայաստան» կուսակցության փոխնախագահ Միքայել Մելքումյանը ստորագրեցին համագործակցության հուշագիր, որը դեռևս 2009թ. ստորագրված համագործակցության հուշագրի տրամաբանական շարունակությունն է:

Սույն հուշագրով կողմերը պայմանավորվել են ձևավորել ակտիվ համագործակցության ձևաչափ կուսակցական աշխատանքի ամենատարբեր ուղղություններով:

Հուշագիրը կակտիվացնի երկու կուսակցությունների համագործակցությունն ինչպես երկու երկրների պառլամենտներում, այնպես էլ եվրասիական ինտեգրման շրջանակներում:

Հանդիպման ընթացքում Միքայել Մելքումյանն առաջարկեց նաև բազմակողմ միջկուսակցական համագործակցության ձևաչափ ԵԱՏՄ անդամ պետությունների պառլամենտներում ներկայացված կուսակցությունների միջև: