Շվիդկոյը` հայ և ադրբեջանցի մտավորականների հանդիպման մասին

Հույս ունեմ, որ Հայաստանում խորհրդարանական ընտրություններից հետո հայ և ադրբեջանցի մտավորականների երկխոսության գործընթացը վերստին կակտիվանա: Այդ մասին հայտարարել է ՌԴ նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյը:

Նրա խոսքով, եթե երկրորդ համաշխարհային արյունալի պատերազմից հետո ռուսները եւ գերմանացիները կարողացել են պայմանավորվել, եթե ամերիկացիները եւ ճապոնացիները կարողացել են խաղաղության հասնել այն բանից հետո, որ ԱՄՆ-ը միջուկային ռումբեր է նետել Հիրոսիմայի եւ Նագասակիի վրա, ապա հայերը եւ ադրբեջանցիները նույնպես կգան ընդհանուր համաձայնության: Դրանում մտավորականության դիրքորոշումները շատ կարեւոր են: