Փարիզը չի մատակարարի զենք Բաքվին, որը կարող է օգտագործվել Արցախում. դեսպանը հերքում է

Ֆրանսիան չի մատակարարի զենք Ադրբեջանին, որը կարող է օգտագործվել Արցախում: Այս մասին մամուլի ասուլիսի ժամանակ հայտարարել է Հայաստանում Ֆրանսիայի արտակարգ եւ լիազոր դեսպան Ժոնաթան Լակոտը:

Այնպես նա մեկնաբանել Ադրբեջանին զենք մատակարարելու վերաբերյալ Փարիզի կողմից էմբարգոն չեղարկելու` ադրբեջանական ԶԼՄ-ներում տարածված ապատեղեկատվությունը։ Խոսքը AzeriDefence պորտալի տարածածա տեղակատվության մասին է, համաձայն որի, Փարիզը ֆրանսիական ընկերություններից հանել է` Ադրբեջանին ռազմական նշանակության արտադրանք վաճառելու վերաբերյալ էմբարգոն։

Փաստացի այս լուրերը ավելի վաղ հերքեր էր Հայաստանում Ֆրանսիայի դեսպանատունը։ Դեսպանը հիշեցրեց, որ այս տեղեկությունը ստանալուց անմիջապես հետո հերքում ենք տվել։ «Մեզ համար դա մեր դիրքորոշումը եւս մեկ անգամ հաստատելու հնարավորություն էր` Ֆրանսիան հարգում է միջազգային օրենսդրության շրջանակներում ստանձնած պարտավորությունները. չի մատակարարում այնպիսի զենք կամ ռազմամթերք, որը կարող է օգտագործվել Արցախում»,- ասաց Լակոտը։

Նա նաեւ անդրադարձել է Բրյուսելում ԵԱՀԿ ՄԽ համանախագահների մասնակցությամբ Հայաստանի եւ Ադրբեջանի արտգործնախարարների հանդիպումը՝ որակելով այն «երկար սպասված հանդիպում»։ «Փարիզը հավատարիմ է ստանձնած պարտավորություններին եւ սկզբունքներին նաեւ արցախյան հակամարտության կարգավորման հարցում»,- հայտարարեց նա՝ հավելելով, որ հակամարտությունը չի կարող լուծվել ուժի կիրառմամբ։ Արցախի ժողովրդին միայն խաղաղ լուծում կարող է առաջարկվել։

Նա հիշեցրել է, որ ՀՀ վարչապետին ասել է նաեւ Ֆրանսիայի նախագահ Էմանուել Մակրոնը։ «Ֆրանսիայի իշխանությունները դրական են ընդունում Հայաստանի հայտարարություններն այն մասին, որ հակամարտությունը կարող է կարգավորվել բացառապես խաղաղ ճանապարհով»,- ասաց դեպանը։