Յուրի Ջորկաեֆը պատրաստ է լրջորեն աջակցել հայկական ֆուտբոլին. Փաշինյան

Ֆուտբոլի աշխարհի և Եվրոպայի չեմպիոն Յուրի Ջորկաեֆը պատրաստ է լրջորեն աջակցել հայկական ֆուտբոլին: Այդ մասին իր ֆեյսբուքյան էջում հայտնել է ՀՀ վարչապետ Նիկոլ Փաշինյանը:

«Աշխատանքային օրը սկսեցի աշխարհահռչակ հայազգի ֆուտբոլիստ, աշխարհի և Եվրոպայի չեմպիոն Յուրի Ջորկաեֆի հետ հանդիպումով։ Նա ասաց, որ ոգեշնչված է հայկական հեղափոխությամբ ու պատրաստ է լրջորեն աջակցել Հայաստանին և հայկական ֆուտբոլին»,-ասվում է գրառման մեջ:

Յուրի Ջորկաեֆը հուլիսի 8-ին Վազգեն Սարգսյանի անվան «Հանրապետական» մարզադաշտում մասնակցել է Լեգենդների խաղին՝ Լատինական Ամերիկայի և Եվրոպայի հավաքականների հանդիպմանը, որին մասնակցել են բազմաթիվ հանրահայտ ֆուտբոլիստներ:

Հանդիպումը նվիրված էր Երևանի 2800-ամյակին։