28.03.2024
Թուրքական ռազմական օդանավերը ժամանել են Ադրբեջան
prev Նախորդ նորություն

Նորություններ գործընկերներից

Ադրբեջա՞նն է կառուցողական. Պետդումայի նախագահի տարակուսանք առաջացնող հայտարարությունը

ՌԴ Պետական Դումայի նախագահ Վյաչեսլավ Վոլոդինը կոչ է արել թույլ չտալ իրավիճակի սրում Լեռնային Ղարաբաղում: Այս մասին հաղորդում է ՌԻԱ Նովոստին:


«Լեռնային Ղարաբաղի հարցերը մեզ չեն կարող չանհանգստացնել: Տեղյակ եք, որ Ռուսաստանը հանդես է գալիս որպես այդ հակամարտության խաղաղ կարգավորման կողմնակից: Բոլոր նրանք, ովքեր հանդես են գալիս հարաբերությունների սրման դիրքերից, բոլոր նրանք, ովքեր չեն լսում ժողովրդի ցանկությունն ապրել խաղաղ, գնում են իրավիճակը սրելու ճանապարհով: Մենք պետք է անենք ամենը դա բացառելու համար: Ադրբեջանը միշտ ճիշտ և կառուցողական դիրքորոշում է զբաղեցրել (Լեռնային Ղարաբաղի հարցով)»,- հայտարարել է Վոլոդինը Ադրբեջանի խորհրդարանի նախագահ Օքթայ Ասադովի հետ հանդիպմանը:


Նշենք, որ ՌԴ Պետդումայի պատվիրակությունը Բաքվում է պաշտոնական այցի շրջանակում:


Հիշեցնենք նաև, որ ապրիլից սկսած Ադրբեջանը սրում է իրավիճակը արցախա-ադրբեջանական սահմանին, դրա երկայնքով կուտակելով տեխնիկա և կենդանի ուժ, ինչպես նաև ԵԱՀԿ դիտորդական առաքելությանը դուրս չի բերում առաջնագիծ: Անցած շաբաթ հայտնի դարձավ, որ ՊԲ արևելյան հատվածում տեղակայված մարտական դիրքերից մեկի ուղղությամբ հունիսի 17-ին՝ ժամը 21:45-ի սահմաններում, հակառակորդը ձեռնարկել է դիվերսիոն ներթափանցման փորձ: ՊԲ առաջապահ ստորաբաժանումները ժամանակին հավաստանշել են ադրբեջանական հատուկ ջոկատայինների առաջխաղացումը և վերջիններիս հետ շպրտել ելման դիրքեր:


Ուստի նման հայտարարությունը ՌԴ Պետական Դումայի նախագահի շուրթերից ավելի քան տարակուսելի է:

Ավստրալիայի խորհրդարանն առաջին անգամ կքննարկի Հայոց ցեղասպանությունը ճանաչման հարցը
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար