28.03.2024
Մի օլիգարխին չպետք է փոխարինի մյուսը. Ռուստամյանը պահանջներ է ներկայացնում Փաշինյանին
prev Նախորդ նորություն

Նորություններ գործընկերներից

Հայաստանը պարեց դեպի հեղափոխություն. The Washington Post

Վերջին մի քանի օրերին հարյուր հազարավոր հայեր մասնակցել են հակակառավարական ցույցերին: The Washington Post պարբերականն անդրադարձել է Հայաստանում տեղի ունեցած թավշյա հեղափոխությանը:


«Նրանք փողոցներ էին փակում, գործադուլներ անում, թափահարում էին հայկական եռագույն դրոշը եւ դրա հետ մեկտեղ անում էին այն, ինչը հեղափոխության հետ ոչ մի կապ չունի՝ պարում էին»,- նշում է հեղինակը:


Երբ ապրիլի կեսերին ընդդիմության առաջնորդ Նիկոլ Փաշինյանը սկսեց բողոքի ցույցերը, Հայաստանի մայրաքաղաք Երեւանում տոնական տրամադրություն էր տիրում: «Երիտասարդությունն ըմբոստացել էր կոռումպացված իշխող էլիտայի դեմ: Նրանց ժողովրդավարական շարժումը Սերժ Սարգսյանին ստիպեց վարչապետի պաշտոնից հեռանալ ավելի քան 10-ամյա կառավարումից հետո»,- նշված է հոդվածում:


Հեղինակը նշում է, որ հայերը պարելով իրենց ավելի ուժեղ են զգում: Պարը երկրի եւ ամբողջ աշխարհում ցրված սփյուռքի միջեւ կապող օղակ է: Հայկական պարային համույթները պարբերաբար ելույթ են ունենում տարբեր հարթակների վրա՝ Լոս Անջելեսից սկսած եւ Մոսկվայով ավարտված, իսկ պարային բարդ ծրագրերը հայկական ավանդական հարսանեկան արարողությունների մի մասն են: Մեքենաներից ժողովրդական երգ էր լսվում, մարդիկ բռնում էին մեկը մյուսի ձեռքն ու պարում: Ցուցարարները պարում էին նաեւ ավանդական քոչարին, որը մտած է ՅՈՒՆԵՍԿՕ-ի ոչ նյութական մշակութային ժառանգության մեջ:


«Մենք հայ ենք: Մենք պարում ենք, երբ երջանիկ ենք»,- թղթակցի հետ զրույցում նշում է 24-ամյա դիզայներ Սոնան:
Հեղափոխության ժամանակ ելույթները միայն պարերով չէին սահմանափակվում՝ երաժիշտների խումբը, այդ թվում՝ ջութակահարներ եւ թավջութակահարներ, այս շաբաթ փակել էին մշակույթի նախարարության մուտքը, որտեղ նրանք կատարում էին Կոմիտասի ստեղծագործությունները: Նույն օրն ավելի ուշ նախարարը հրաժարական է ներկայացրել:

«Ուկրաինական սցենարից» դասեր քաղվել են. ԱՄՆ-ի փորձագետները՝ ՀՀ-ում հեղափոխության մասին
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար