Կոչ եմ անում շարունակել խորհրդակցությունները ճգնաժամից ելք գտնելու ուղղությամբ. ՀՀ նախագահ

Հայաստանի նախագահ Արմեն Սարգսյանը հանդես է եկել հայտարարությամբ, որում անդրադառնում է ՀՀ վարչապետի ընտրության տապալմանը Ազգային Ժողովում:

Հայտարարությունում մասնավորապես ասված է.

«Երեկ Ազգային ժողովը չկարողացավ ընտրել երկրի վարչապետ: Խորապես ցավում եմ, որ քաղաքական ճգնաժամը շարունակվում է, չնայած այն բանին, որ բոլորն էլ հայտարարում են երկրի ապագայի համար դրա վտանգավորության մասին:

Մեր բոլորի ուշադրությունը սևեռված է ներգրավված քաղաքական ուժերի գործողությունների վրա: Կոչ եմ անում առաջիկա շաբաթվա ընթացքում շարունակել խորհրդակցությունները ճգնաժամից ելք գտնելու ուղղությամբ, որը կծառայի մեր ընդհանուր ազգային շահերին»։