28.03.2024
2018թ. կանխատեսվում է ՀՆԱ-ի առաջանցիկ՝ 4.5% իրական աճ.
prev Նախորդ նորություն

Նորություններ գործընկերներից

Մինչև տարեվերջ կստորագրի հայ-ռուսական համաձայնագիրը՝ ՀՀ-ին $100 մլն վարկ տրամադրելու մասին

Հայաստանի կառավարությունը մինչև տարեվերջ կստորագրի հայ-ռուսական համաձայնագիրը, որի համաձայն Ռուսաստանը 100 մլն դոլար վարկ կտրամադրի Հայաստանին: Aysor.am-ին այս մասին տեղեկացրել է Ֆինանսների նախարար Վարդան Արամյանը։


«Մենք այս տարվա ընթացքում ստորագրելու ենք համաձայնագիրը և մյուս տարի իրագործելու ենք այն», - նշել է նախարարը։


Պաշտոնյայի խոսքով, համաձայնագրի ստորագրումից հետո երկու երկրների պաշտպանական համակարգերի միջև կոնկրետ պայմանագրեր կկնքվեն:


«Այդ մասով որոշակի գաղտնիություն կա և հստակ ապրանքատեսակների մասին չի խոսվում, հրապարակային չէ։ Իսկ թե երբ կիրագործվի, չեմ կարող ասել, որովհետև «Ռոսոբորոնէկսպորտի» հետ պետք է արդեն աշխատեն։ Ինչ վերաբերում է ֆինանսական համաձայնագրին, ապա այդ մասով ես կարող եմ ասել, որ ես ու իմ գործընկերները փորձելու ենք այս տարի ավարտել», - ասել է Արամյանը:


Ավելի վաղ Ռուսաստանում Հայաստանի դեսպան Վարդան Տողանյանը չէր բացառել, որ համաձայնագիրը կարող է ստորագրվել մինչև տարվա վերջ:


Աղբյուրը հիշեցնում է, որ Հայաստանի կառավարությունը հայ-ռուսական համաձայնագրին հավանություն էր տվել հոկտեմբերի 12-ի նիստում։ Ըստ համաձայնագրի, 100 մլն ԱՄՆ դոլարի չափով ներգրավվող պետական արտահանման վարկը կտրամադրվի 20 տարի ժամկետով (որից 5-ը՝ արտոնյալ)՝ տարեկան 3% տոկոսադրույքով: Ընդ որում, ՀՀ կողմից նախատեսվում է համաֆինանսավորում համաձայնագրի շրջանակներում կնքվող պայմանագրերի արժեքի 10%-ի չափով՝ ավանսային վճարումների տեսքով:


Փաստաթղթի հիման վրա ՀՀ պաշտպանության նախարարությունը և «Ռոսոբորոնէկսպորտ» ընկերությունը առանձին պայմանագրեր կկնքեն Հայաստանին ժամանակակից սպառազինության և տեխնիկայի տրամադրելու կարգի, ժամկետների, այդ ռազմական տեխնիկայի կիրառմանը վերաբերող տեղեկատվության տրամադրման պայմանների, կողմերի պարտավորությունների, դրա նորոգման և տեխնիկական սպասարկման պարտավորությունների, ձեռքբերման համար վճարումների և այլ հարցերի վերաբերյալ:

Ո՞ւմ է բացահայտ ակնարկում Ռուզաննա Խաչատրյանը. ՊՆ-ից արձագանքում են կոշտ-պարտադրված
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար