Կատալոնիայի անկախությունը չի ճանաչում Եվրոպայի ոչ մի երկիր. Եվրախորհրդարանի նախագահ

Եվրոպայի ոչ մի երկիր չի ճանաչում Կատալոնիայի անկախությունը: Այս մասին հայտարարել է Եվրախորհրդարանի նախագահ Անտոնիո Տայանին, հայտնում է ANSA գործակալությունը:

«Բոլորի համար պետք է հստակ լինի, որ եվրոպական ոչ մի երկիր չի ճանաչում Կատալոնիայի անկախությունը»,- ասել է Տայանին՝ ելույթ ունենալով Ֆլորենցիայում տեղի ունեցած համաժողովում:

Ավելի վաղ La Razon պարբերականը հայտնել էր, որ Կատալոնիայի խորհրդարանը կարող է շրջանի անկախությունը հռչակել հոկտեմբերի 27-ին: