ՌԴ-ն ու ՀՀ-ն բանակցում են Ադրբեջանով պարարտանյութեր մատակարարելու հարցի շուրջ. Օվերչուկ

Ռուսաստանը և Հայաստանը բանակցություններ են վարում Ադրբեջանի տարածքով հանրապետություն պարարտանյութեր մատակարարելու հնարավորության շուրջ, հայտարարել է Ռուսաստանի փոխվարչապետ Ալեքսեյ Օվերչուկը «Ռոսիա-24» հեռուստաալիքին տված հարցազրույցում։

«Վերջերս տեղի ունեցավ շատ կարևոր իրադարձություն, և մենք կարծում ենք, որ այն իսկապես նշանակալից է. առաջին գնացքը ռուսական հացահատիկ տեղափոխեց Ադրբեջանի և Վրաստանի տարածքներով Հայաստան։ Սա առաջին դեպքն է ավելի քան 30 տարվա ընթացքում և առաջին անգամն է, որ Հայաստանի և Ադրբեջանի անկախացումից ի վեր հացահատիկ տեղափոխող գնացք է անցել։ Մենք նաև քննարկում ենք այս ճանապարհով այլ տեսակի բեռներ, ինչպիսիք են պարարտանյութերը, առաքելու հնարավորությունը», - ասել է նա։

Օվերչուկը նաև ընդգծել է, որ քննարկումը ներառում է նաև հացահատիկի արտահանում Հայաստանից Ռուսաստան՝ Ադրբեջանի տարածքով։ «Սա նշանակում է, որ ունենք այնպիսի զարգացումներ, որոնք դեռ վերջերս անհավանական էին թվում», - հավելել է ՌԴ փոխվարչապետը։