Ստոր ու էժան գործելաոճ. WhatsApp-ում Գագիկ Ծառուկյանի անունով կեղծ օգտահաշիվ է բացվել

Օրերս WhatsApp հավելվածում Գագիկ Ծառուկյանի անունով օգտահաշիվ է բացվել, որից հաղորդագրություններ են ուղարկվում տարբեր մարդկանց։ Պաշտոնապես տեղեկացնում եմ, որ այս օգտահաշիվը որևէ առնչություն չունի Գագիկ Ծառուկյանի հետ և հերթական խարդախության դրսևորում է։

Սա շատ ստոր ու էժան գործելաոճ է, որը խիստ դատապարտելի է։

Բոլորին կոչ եմ անում լինել զգոն և ուշադիր։ Իսկ մենք հետամուտ ենք լինելու պարզելու համար, թե ո՞վքեր են կանգնած այս խարդախության հետևում, քանզի նման զանցանքի հեղինակները օրենքով սահմանված կարգով պետք է ենթարկվեն պատասխանատվության։

Իվետա Տոնոյան