Մի շարք բնակավայրերում փորձարկվելու են էլեկտրական շչակներ

Նոյեմբերի 13-ին՝ ժամը 11:00-ից մինչև 15:00-ն, Շիրակի մարզում կանցկացվեն էլեկտրական շչակների փորձարկումներ։

Փորձարկումները կիրականացվեն Գյումրի քաղաքում, ինչպես նաև Բերդաշեն, Ալվար, Գառնառիճ, Արևիկ, Կամո, Կապս, Մարմաշեն, Շիրակ, Ազատան, Բենիամին, Իսահակյան, Լուսաղբյուր, Շիրակավան, Լուսակերտ, Հոռոմ, Հովտաշեն, Մեղրաշեն և Փանիկ բնակավայրերում։

ՆԳՆ փրկարար ծառայությունը հորդորում է բնակիչներին չանհանգստանալ․ աշխատանքները նախատեսված են բացառապես համակարգի ստուգման նպատակով։