Ենգիբարյանն ու Գերմանիայի ԱԳ պետնախարարը քննարկել են համագործակցության հեռանկարները

Գերմանիայում ՀՀ դեսպան Վիկտոր Ենգիբարյանը հանդիպում է ունեցել ԳԴՀ արտաքին գործերի պետական նախարար Գունտեր Քրիխբաումի հետ:

«Քննարկվեց Հայաստան-Գերմանիա երկկողմ համագործակցության զարգացման հեռանկարներին առնչվող հարցեր։

Զրուցակիցներն անդրադարձան արդի աշխարհաքաղաքական զարգացումներին, մտքեր փոխանակվեցին Հարավային Կովկասում տարածաշրջանային զարգացումների, խաղաղության հաստատմանն ուղղված գործընթացների, ինչպես նաև Հայաստան – Եվրոպական Միություն հարաբերությունների վերաբերյալ։

Դեսպան Ենգիբարյանը պետական նախարար Քրիխբաումին հրավիրեց այցելել Հայաստան»,- ասված է դեսպանի տարածած գրառման մեջ։