Երևանում մեկնարկել է Արարատ Միրզոյանի և ԵՄ բարձրաստիճան ներկայացուցչի հանդիպումը

Հայաստանի արտաքին գործերի նախարարությունում կայացել է ԱԳ նախարար Արարատ Միրզոյանի և Եվրոպական հանձնաժողովի փոխնախագահ, ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասի առանձնազրույցը։

Ինչպես տեղեկացնում է ԱԳՆ մամուլի ծառայությունը, հանդիպումը անցկացվում է Կալասի՝ Հայաստան կատարվող պաշտոնական այցի շրջանակում, որն ընթանում է հունիսի 29-30-ը։

Կողմերը քննարկելու են Հայաստան–ԵՄ համագործակցության օրակարգային հարցեր, քաղաքական երկխոսության զարգացման ուղիները և անվտանգության ու բարեփոխումների ոլորտում փոխգործակցության հեռանկարները։