Կրեմլում հերքել են Թրամփ-Պուտին հեռախոսազրույցի մասին լուրը

ՌԴ նախագահ Վլադիմիր Պուտինն ու ԱՄՆ ընտրություններում հաղթած Դոնալդ Թրամփը դեռ հեռախոսազրույց չեն ունեցել: Այս մասին ասել է ՌԴ նախագահի խոսնակ Դմիտրի Պեսկովը, գրում է ՌԻԱ Նովոստին։

«Սա տեղեկատվության որակի ամենավառ օրինակն է, որը հրապարակվում է նույնիսկ բավականին հարգված ԶԼՄ-ներում: Սա ուղղակի կեղծ տեղեկատվություն է», - ասել է նա՝ պատասխանելով լրագրողներին։

Նշենք, որ նախօրեին The Washington Post-ը, վկայակոչելով իր աղբյուրներին գրել էր, որ հինգշաբթի օրը տեղի է ունեցել Վլադիմիր Պուտինի ու Դոնալդ Թրամփի հեռախոսազրույցը, որի շրջանակում քննարկվել է նաև ուկրաինական հակամարտությունը։