Հայաստանը պատրաստ է առանց հապաղման ստորագրել խաղաղության համաձայնագիրն Ադրբեջանի հետ. ԱԳՆ

ՀՀ ԱԳ նախարար Արարատ Միրզոյանը Ֆրանկոֆոնիայի 45-րդ նախարարական համաժողովին իր ելույթում ընդգծել է.

«Հայաստանը հանձնառու է շարունակելու իր ջանքերը՝ միտված տարածաշրջանում հարատև խաղաղության հաստատման օրակարգի առաջմղմանը։

Մենք բազմիցս պատրաստակամություն ենք հայտնել առանց հետագա հապաղման ստորագրել խաղաղության համաձայնագիրն Ադրբեջանի հետ»։

Նա վստահություն է հայտնել, որ ֆրանկոֆոն ընտանիքի աջակցությունը դրական ազդակ կհաղորդի խաղաղության գործընթացին: