Վրաններ՝ Բաղրամյանում. Բագրատ Սրբազանի առաջնորդած շարժումը շրջապատել է ԱԺ-ն

Նախօրեին Հանրապետության հրապարակում մեծ հանրահավաքից հետո Բագրատ Սրբազանի առաջնորդած շարժման մասնակիցները քայլերթով հասան Բաղրամյան-Դեմիրճյան փողոցների խաչմերուկ, որտեղ որոշում կայացվեց գիշերել:

Բագրատ Սրբազանը հանրահավաքի ժամանակ հայտարարեց գործողությունների մեկնարկի մասին.

"Ընդամենը 4 օր առանց դադարի, առանց աշխատանքի գնալու, առանց հանգստի ու առանց քնելու լինենք փողոցում ու մեր կամքը պարտադրենք",- ասաց նա: Ապա դիմեց ԱԺ բոլոր խմբակցություններին․

"1․ Մեր պահանջով ԱԺ ընդդիմադիր պատգամավորները հունիսի 11-ին, ժամը 18․30-ին նախաձեռնում են խորհրդարանի նիստ՝ Կառավարության հրաժարականի ու նոր Կառավարություն ձևավորելու օրակարգով։

2․ Հունիսի 10-ին ԱԺ Խորհուրդը պարտավոր է ԱԺ արտահերթ նիստ հրավիրելու որոշում կայացնել։

3․ Համաժողովրդական պահանջի հիման վրա, խորհրդարանն արտահերթ նիստով հավանություն է տալիս Կառավարության հրաժարականի և նոր Կառավարություն ձևավորելու որոշմանը"։ 

Ավելի ուշ Բաղրամյան-Դեմիրճյան փողոցների խաչմերուկում՝ ԱԺ շենքի դիմաց, տեղադրվեցին վրաններ:

Նշենք, որ այս շաբաթ մեկնարկում է ԱԺ գարնանային նստաշրջանի հերթական քառօրյան: