ԱԳՆ շենքի մոտից ձերբակալված 27 քաղաքացիներից ոչ մեկին մեղադրանք չի ներկայացվել

Փաստում ենք, որ մայիսի 31-ին ԱԳՆ վարչական շենքի դիմաց տեղի ունեցած միջադեպի փաստով ձերբակալված 27 քաղաքացիներից ոչ մեկին օրենքով սահմանված ժամկետում մեղադրանք չի ներկայացվել։ Այս հայտարարությամբ է հանդես եկել "Հինգ իրավապաշտպանների նախաձեռնությունը"։

"Դա նշանակում է, որ 72 ժամը լրանալուն պես նրանք պետք է ազատ արձակվեն Երևանի, Մասիսի ու Աբովյանի ՁՊՎ-ներից։ 72 ժամը լրանում է այսօր՝ հունիսի 3-ին, ժամը 15:30-ին (մի քանի անձի պարագայում՝ 17:00-ին)",- նշված է հայտարարությունում: