Հայաստանում քաղբանտարկյալներ չկան. Գրիգոր Մինասյան

Ապրիլի 4-ին տեղի ունեցած կառավարության նիստից հետո ՀՀ արդարադատության նախարար Գրիգոր Մինասյանը հայտարարեց, որ Հայաստանում քաղբանտարկյալներ չկան:

"Հայաստանը ժողովրդավարական երկիր է այնքանով, որքանով ամեն օր բացում ես սոցիալական ցանցերը և հրապարակային ելույթներում տեսնում, թե ինչպես են շատ ընդդիմադիրներ և նրանց փաստաբաններ գոհունակություն հայտնում այս կամ այն գործով արդար որոշում կայացնելու համար։ Այդ որոշումները դատարաններում կայացվում են ամեն օր", - նշեց Մինասյանը։

Նա նաև հավելեց, որ բոլորը՝ լինեն ներկա, նախկին, թե ապագա պաշտոնյաներ, պետք է հասկանան, որ "յուրայինների" և "ոչ յուրայինների" բաժանում չկա: "Եվ եթե անձը կասկածվում է հանցագործություն կատարելու մեջ, մեր իրավապահներն անպայման համապատասխան միջոցներ կձեռնարկեն", - ընդգծեց նախարարը:

Մինասյանը նաև նշեց, որ քրեական գործեր են հարուցվում պաշտոնատար անձանց կամ նրանց հարազատների նկատմամբ ՝ անկախ նրանց կարգավիճակից: