ՀԱՊԿ քարտուղարությունը կազմակերպությանը ՀՀ անդամության կասեցման մասին դիմում չի ստացել

ՀԱՊԿ քարտուղարությունը կազմակերպությանը ՀՀ անդամության կասեցման մասին դիմում չի ստացել Երեւանից։ Այս մասին ՌԻԱ Նովոստիին հայտնել են կազմակերպության քարտուղարությունից։

ՀԱՊԿ-ում Հայաստանի մասնակցությունը սառեցնելու մասին Փաշինյանի խոսքերը, ըստ ամենայնի, կազմակերպության կողմից անցկացվող միջոցառումներին չմասնակցելու մասին է։

VERELQ-ը հիշեցնում է, որ France24-ին տված հարցազրույցում վարչապետ Նիկոլ Փաշինյանը հայտարարել էր, որ ՀԱՊԿ-ի արձագանքը  չէր համապատասխանում իրականությանը Հայաստանի Հանրապետության նկատմամբ, մասնավորապես 2021-ին, 2022-ին, և ակնհայտ է, որ դա չէր կարող անտեսված մնալ Հայաստանի կողմից։  

«Մենք «սառեցրել» ենք մեր մասնակցությունն այս կազմակերպությանը, որտեղ գերակշում է Մոսկվան»,- ասել է Փաշինյանը։