Սերգեյ Կոպիրկինը Գեղարքունիքի մարզում է. ի՞նչ հարցեր են քննարկվել

Հայաստանում Ռուսաստանի արտակարգ և լիազոր դեսպան Սերգեյ Կոպիրկինը աշխատանքային այցով մեկնել է Գեղարքունիքի մարզ։ Նա հանդիպել է Գեղարքունիքի մարզպետի տեղակալ Վահան Զարոյանի հետ։

Կողմերն անդրադարձել են ռուս-հայկական հումանիտար և տարածաշրջանային համագործակցության հիմնական ուղղություններին, մասնավորապես, կրթության և հաղորդակցության ոլորտում Գեղարքունիքի մարզի և Ռուսաստանի մարզերի փոխգործակցությանը։

«Այս տարի Հայաստանը նախագահում է ԵԱՏՄ-ում, և մենք դրական ենք գնահատում նրա ներդրումը միության և միասնական շուկայի զարգացման գործում»,- նշել է Սերգեյ Կոպիրկինը։

Անդրադարձ է կատարվել Լեռնային Ղարաբաղից տեղահանվածների խնդիրների լուծմանը։

Վահան Զարոյանը նշել է, որ մարզը Լեռնային Ղարաբաղից ընդունել է 6 հազար 800 մարդու։ Կառավարությունը շուտով կսկսի նրանց համար բնակելի համալիրի կառուցումը։

Նա շնորհակալություն է հայտնել ՌԴ դիվանագիտական ​​ներկայացուցչությանը համագործակցության համար և բարձր գնահատել իրականացվող բոլոր ծրագրերը։