Գյումրիում մեկնարկել է Զարգացման առաջնորդների ֆորումը
Այսօր՝ դեկտեմբերի 8-ին, Հայաստանի մեծությամբ երկրորդ քաղաքում՝ Գյումրիում, իր աշխատանքները սկսեց Զարգացման առաջնորդների ֆորումը։ Միջոցառման կազմակերպիչն է «Հաղորդակցության զարգացման միջազգային ինստիտուտ» հումանիտար հիմնադրամը (այսուհետ՝ «ՄԻՌ» հիմնադրամ, Հայաստան): Համաժողովին մասնակցում են երիտասարդ առաջնորդներ Հայաստանի տարբեր մարզերից։
Զարգացման առաջնորդների ֆորումը նորարարական միջազգային նախագիծ է հայ երիտասարդ առաջնորդների կարիերայի մեկնարկի համար, որի նպատակը հայ երիտասարդների առաջնորդական հմտությունների համակողմանի զարգացումն է: Ֆորումի շրջանակներում որպես բանախոս հանդես կգան պատգամավորներ, գործարարներ և գիտնականներ:
![](https://scontent.fevn7-1.fna.fbcdn.net/v/t39.30808-6/408157394_7044256245657608_6664164596393461446_n.jpg?_nc_cat=105&ccb=1-7&_nc_sid=3635dc&_nc_ohc=JL457X36LysAX8UxPAt&_nc_ht=scontent.fevn7-1.fna&oh=00_AfAFPvT2XNJVfTteZv-oOYx43RzW_L9ua_bsv-Pxy3aURg&oe=6577C6D5)
«Հաղորդակցության զարգացման միջազգային ինստիտուտ» հիմնադրամի աջակցությամբ ֆորումի արդյունքներով կմեկնարկեն ծրագրեր՝ ուղղված տարածքների զարգացմանը, Հայաստանում կայուն զարգացման տարածաշրջանային երիտասարդական հաբերի և մշակութային կլաստերների ստեղծմանը:
![](https://scontent.fevn7-1.fna.fbcdn.net/v/t39.30808-6/408135888_7044259778990588_7562849062654232813_n.jpg?stp=cp6_dst-jpg&_nc_cat=100&ccb=1-7&_nc_sid=3635dc&_nc_ohc=4bJmLbQhIT0AX88JBbY&_nc_ht=scontent.fevn7-1.fna&oh=00_AfAo52qSlaP7L-3QtzA46qL9Yssvp0Qactyn7JX9AALgdQ&oe=65779D0D)
Դեկտեմբերի 8-10 ֆորումի մասնակիցները ձեռք կբերեն նախագծերի, թիմերի ձևավորման և վերլուծական աշխատանքի հմտություններ, տարածաշրջանային գործընթացների խորը պատկերացում, հետաքրքիր մարդկանց հանդիպելու, ընկերներ և համախոհներ գտնելու հնարավորություն:
![](https://scontent.fevn7-1.fna.fbcdn.net/v/t39.30808-6/408082796_7044259822323917_8919162032662494114_n.jpg?stp=cp6_dst-jpg&_nc_cat=110&ccb=1-7&_nc_sid=3635dc&_nc_ohc=Y_G2NoAcUIUAX_QJ7US&_nc_ht=scontent.fevn7-1.fna&oh=00_AfDUg9xIo-TytmwT7yoe0nRzUGpOQLGfB8x7vSsGwSq2Lw&oe=65786A31)
Մասնակիցների ցուցակը կազմվել է հայտերի մրցույթի հիման վրա։ Զարգացման առաջնորդների ֆորումը մասնակիցներին հնարավորություն կտա ինքնադրսևորվելու որպես Հայաստանի մարզերի զարգացման առաջնորդների, հանդիպելու հայտնի մարդկանց, դառնալու նախաձեռնող թիմի անդամ և աջակցություն ստանալու իրենց նախագծերի համար:
Զարգացման առաջնորդների ֆորումի գործընկերներն են՝
• «Պրոգրես» համալսարանը (Հայաստան),
• Հաղորդակցությունների զարգացման ազգային հետազոտական ինստիտուտը (Ռուսաստան),
• «VERELQ» տեղեկատվական-վերլուծական կենտրոնը (Հայաստան),
• «Dalma.news» տեղեկատվական-վերլուծական կայքը (Հայաստան):