Մարությանը կմասնակցի Երեւանի ավագանու ընտրություններին «Ազգային առաջընթաց»-ի կազմում

Երեւանի նախկին քաղաքապետ Հայկ Մարությանը ավագանու ընտրություններում կմասնակցի «Ազգային առաջընթաց» կուսակցության կազմում։ Այս մասին ֆեյսբուքյան գրառում է կատարել կուսակցությունը։

«Սիրելի հայրենակիցներ,

Ազգային առաջընթաց կուսակցությունը կմասնակցի սեպտեմբերի 17-ին կայանալիք Երեւանի ավագանու ընտրություններին։

Ուրախ ենք տեղեկացնել, որ կուսակցության նախընտրական ցուցակը կգլխավորի Հայկ Մարությանը, ցուցակի 2-րդ համարը կլինի կուսակցության վարչության անդամ Հայկ Գրիգորյանը»։