Սիրիայում ՌԴ-ը սկսել է հակահաբեկչական մասշտաբային գործողություն

Ռուսաստանի Դաշնության պաշտպանության նախարար Սերգեյ Շոյգուն հայտարարել է, որ «Ադմիրալ Կուզնեցով» ավիակիրը սկսել է մասնակցել Սիրիայում ռազմական գործողություններին:

«Այսօր ժամը 10:30-ին և 11:00-ին մենք սկսել ենք Իդլիբի և Հոմսի շրջաններում «Իսլամական պետություն» և «Ջեբհաթ ան-Նուսրա» խմբավորումների դիրքերին հարված հասցնելու մեծ գործողություն»,- հայտարարել է Շոյգուն, գրում է «ՌԻԱ Նովոստի»-ն:

Նախարարի խոսքով՝ հարվածներն իրականացվում են Սիրիայում ահաբեկիչների գործարանների ուղղությամբ: Սիրիայում թիրախների ուղղությամբ հրթիռներ է բաց թողել նաև «Ադմիրալ Գրիգորովիչ» արագընթաց հածանավը: