Արցախցիները պատրաստ են մինչև վերջ պաշտպանել իրենց հայրենիքը. Ռուբեն Վարդանյան

Արցախցիները 100%-ով պատրաստ են մինչև վերջ պաշտպանել իրենց հայրենիքը, դա ոգևորիչ է։ Այս մասին մայիսի 18-ին կայացած մամուլի ասուլիսում հայտարարել է "Լեռնային Ղարաբաղի անվտանգության եւ զարգացման ճակատ"-ի համակարգող, Լեռնային Ղարաբաղի նախկին պետնախարար Ռուբեն Վարդանյանը։

"Ես զգում եմ պատասխանատվություն այն հավատքի համար, որը մարդիկ ունեն իմ հանդեպ, ես դա զգում եմ ամեն օր: Ոչ թե փրկչի կամ պաշտոնի հարց է դրված, այլ հայրենիքի ապագան որոշելու խնդիր է դրված", – նշեց նա։ Վարդանյանը կարծում է, որ Արցախից իր հեռանալը լուրջ հիասթափության կհանգեցնի։ Նրա խոսքով՝ խնդիր է դրված մարդկանց դուրս բերել պատարագային քնից։

"Մենք պետք է բարդ ճանապարհ անցնենք, բայց այդ ճանապարհը պետք է միասին անցնենք։ Լեռնային Ղարաբաղում վստահության լուրջ դեֆիցիտ է նկատվում։ Պետք է վերականգնել կամքը, ոգին, հավատը երազանքի հանդեպ։ 1998-ին էլ չկար կոնկրետ ծրագիր, բայց կար գաղափար ու ոգևորություն, որը միավորում էր մարդկանց։ Դրա հետ մեկտեղ, չնայած շրջափակմանը, ես հասարակ արցախցիների մոտ պայքարի կամք եմ տեսնում", - ընդգծել է նա։