ԼՂ-ի հայերը միջազգային հանրությունից սպասում են արձագանքի և իրական քայլերի. Մարուքյան

ՀՀ հատուկ հանձնարարություններով դեսպան Էդմոն Մարուքյանը Twitter-ի իր միկրոբլոգում գրառում է կատարել:

«Ինչո՞ւ է Ադրբեջանը պատժում Լեռնային Ղարաբաղի 120 հազար բնակչի, այդ թվում՝ 30 հազար երեխայի։ Ես պնդում եմ, որ Ադրբեջանը դա անում է Լեռնային Ղարաբաղի ժողովրդավարական ընտրության համար, որը պահպանվում է արդեն 30 տարի։ Այսօր Լեռնային Ղարաբաղում գազ չկա, և այն ամբողջովին արգելափակված է։ Լեռնային Ղարաբաղի հայերը միջազգային հանրությունից սպասում են արձագանքի և իրական քայլերի»,- գրել է Մարուքյանը։