28.03.2024
Ադրբեջանցիները Վաշինգտոնում լոբբինգ են անում, որ Փելոսիի այցը դարձնեն տարածաշրջանային
prev Նախորդ նորություն

Նորություններ գործընկերներից

Ինչո՞ւ է ՊՆ-ն թաքցնում զոհվածների անունները. հարազատները ֆլեշմոբ են սկսել սոցցանցերում

Ինչո՞ւ է Պաշտպանության նախարարությունը թաքցնում Ադրբեջանի վերջին ագրեսիայի հետևանքով զոհվածների անունները:


Այս հարցը օրեր շարունակ բարձրաձայնվում է,  բայց հստակ պատասխան սրան այդպես էլ չի ստացվում: Ըստ ՊՆ-ում VERELQ-ի աղբյուրների, գերատեսչությունը մտադիր է հավաքագրել և վերջնական ցուցակ ներկայացնել, այլ ոչ թե հրապարակել անուններ, որոնցում կարող են տեղ գտնել նաև անճշտություններ:


Սակայն զոհվածների ու այս պահի դրությամբ անհետ կորած զինծառայողների հարազատներին այս դիրքորոշումը չի գոհացնում: Նրանք հիշում են, որ 2020 թվականի սեպտեմբերի 27-ին արդեն իսկ ՊՆ-ն զոհերի ցուցակը հրապարակեց ու բոլոր 44 օրերի ընթացքում նահատակվածների ցուցակ հրապարակում էր: Այլ կերպ ասած, հարց է առաջանում՝ ի՞նչ է փոխվել հիմա, որ պետությունը նման անտարբերության ու մոռացության է մատնել մեր տղաներին:


Իսկ գուցե դա հստակ քաղաքականությո՞ւն է. նման կասկածներ տեղ ունենալ կարող են, քանի դեռ պետական մարմինները լռում են: Իրավասու մարմինները պետք է պատասխանեն, այլապես կասկած կա, որ սա հատուկ քաղաքականություն է:


Եվ ահա սոցցանցերում պատերազմի զոհերի հարազատները ֆլեշմոբ են սկսել՝ պահանջելով հրապարակել հերոսների անունները: Մասնավորապես, հերոս Գևորգ Գասպարյանի քույրը՝ Անի Գասպարյանը, գրում է.


"Ես` հերոս Գևորգ Գասպարյանի քույրս պահանջում եմ, որ ՀՀ պաշտպանության նախարարությունից անհապաղ հրապարակի մեր նոր անմեղ զոհերի անունները, որպեսզի ճանաչենք մեր հերոսներին և պատիվ ունենանք նրանց հրաժեշտ տալու և մայրերի կողքին կանգնելու",- գրել է նա։



Ի դեպ, նշենք, որ Եռաբլուր զինվորական պանթեոնում էլ, ՊՆ պահանջով, արգելված է լուսանկարելն ու տեսանկարելը, մինչդեռ 44-օրյա պատերազմի օրերին և հետո նման արգելք չի եղել:


Եռաբլուրում նոր հուղարկավորություններ են՝ արդեն մեկ տասնայկից ավելի հերոսներ են հուղարկավորվել այս օրերին: Նիկոլ Փաշինյանը մի քանի օր առաջ հայտարարեց, որ այդ պահի դրությամբ զոհերի թիվը 135 է, սակայն թիվը վերջնական չի: Եռաբլուրում նոր փոսեր են փորվում ու, ցավոք, դրանք դատարկ չեն մնա...


 


 


 

Ուրվագծվեցին ընդհանուր տարածաշրջանային դերակատարների վերադիրքավորման միտումները. քաղաքագետ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար