ՀՀ-ում ԱՄՆ դեսպանատունը իր քաղաքացիներին նախազգուշացրել է խուսափել որոշ վայրերից

ՀՀ-ում ԱՄՆ դեսպանատունը հերթական անգամ, անվտանգության նկատառումներից ելնելով, Հայաստանում գտնվող ԱՄՆ քաղաքացիներին նախազգուշացրել է խուսափել որոշ վայրերից։

Խոսքը, մասնավորապես, այն վայրերի մասին է, որտեղ իբրև թե պայթուցիկներ տեղադրված լինելու մասին նախօրեին ԱԻՆ-ը կեղծ ահազանգեր էր ստացել՝ «Զվարթնոց օդանավակայան», Երևանի մետրոպոլիտենի  կայարաններ, Երևանի քաղաքապետարանի ու ՀՀ Ազգային ժողովի շենքեր։

ԱՄՆ դեսպանատունը ԱՄՆ քաղաքացիներին հորդորել է հետևել տեղական մամուլին, խուսափել մարդաշատ վայրերից, տեղեկացնել ընկերներին և ընտանիքին իրենց անվտանգության մասին, տեղյակ լինել շրջապատող միջավայրից: