29.03.2024
Սերժ Սարգսյանի եղբորորդին` Հայկ Սարգսյանը, կալանավորվել է
prev Նախորդ նորություն

Նորություններ գործընկերներից

Ոստիկանությունը կանխարգելիչ միջոցառումներ է իրականացնում ուստարվա ավարտին ընդառաջ

ՀՀ ոտիկանությունն սկսել է ուսումնական տարվա ավարտին նվիրված միջոցառումներն անվտանգ անցկացնելուն նվիրված միջոցառումները, որոնք անցկացվում են ՀՀ կրթության, գիտության, մշակույթի և սպորտի նախարարության հետ համագործակցությամբ։ Այս մասին «Արմենպրես»-ին տեղեկացրին ՀՀ ոստիկանությունից։


«Ուսումնական տարվա ավարտին նվիրված միջոցառումներն անվտանգ անցկացնելու հարցում պատասխանատու է նաև ոստիկանությունը։ Այս համատեքստում ոստիկանության ՀԱԱԳՎ անչափահասների հանցավորության և ընտանիքում բռնության կանխարգելման վարչությունը արդեն մի քանի օր իրականացնում է կանխարգելիչ միջոցառումներ՝ համագործակցելով ԿԳՄՍ նախարարության, ինչպես և տեղական ինքնակառավարման մարմինների հետ։ Հանրապետության ողջ տարածքում իրավասու մարմինների աշխատակիցները հանդիպել են դպրոցների տնօրենների հետ։ Հանդիպումները կազմակերպվել են և՛ ավագ, և՛ հիմնական դպրոցներում»,- ասվում է հաղորդագրության մեջ։


Ըստ աղբյուրի՝ անչափահասների հանցավորության և ընտանիքում բռնության կանխարգելման վարչության պետ, ոստիկանության գնդապետ Էդգար Պետրոսյանը հանդիպումների ընթացքում մանկավարժական կազմին հորդորել է տոնական միջոցառումների անվտանգությունն ապահովելու հարցում համագործակցել ոստիկանության ծառայողների հետ։


Նա ընդգծել է, որ առաջնայինը իրավախախտումներն ու դրանց հնարավոր հետևանքները կանխելն է, որ չխաթարվի օրվա տոնականությունը։ Էդգար Պետրոսյանն առանձնահատուկ անդրադարձել է անչափահասներին մեքենա վստահելու, ինչպես և ալկոհոլի չարաշահման հարցերին՝ այդ առումով կարևորելով ոչ միայն ծնողների, այլև ուսուցիչների դերը։ Վարչության պետը մանրամասնել է նաև շրջանավարտներին մեքենա վստահելու, նրանց ոգելից խմիչքների օգտագործմանը ներգրավելու ոչ միայն վտանգները, այլև իրավական հետևանքները՝ շեշտելով, որ նման դեպքերում օրենքը նաև քրեական պատասխանատվություն է նախատեսում ծնողների համար։


Նշվում է, որ նման ձևաչափով կանխարգելիչ հանդիպումներ են անցկացվել նաև մարզերում՝ ոստիկանության տարածքային ստորաբաժանումների իրավասու ծառայողների և տեղական իշխանությունների մասնակցությամբ։

Լրագրողական կազմակերպությունները դատապարտում են լրագրողների նկատմամբ հարձակումները
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար