ԱԺ մշտական հանձնաժողովում քննարկվել են Հայաստանի արդյունաբերության առաջնահերթությունները

ԱԺ ֆինանսավարկային եւ բյուջետային հարցերի մշտական հանձնաժողովի նախագահ Գագիկ Պապոյանի նախաձեռնությամբ տեղի ունեցավ հերթական աշխատանքային քննարկումը, որի կենտրոնում կառավարության կողմից հայտարարված արդյունաբերության գերակա ճյուղերն են:


Հանդիպումը դարձել է նոյեմբերի 12-ին կայացած քննարկման տրամաբանական շարունակությունը արտադրության եւ արտահանման խթանման միջոցների վերաբերյալ: Պայմանավորվածություն է ձեռք բերվել այս հարցերն ավելի մանրամասն քննարկել հաջորդ հանդիպմանը։


Քննարկմանը հրավիրված էին պետական մարմինների ներկայացուցիչներ, էկոնոմիկայի նախարար Վահան Քերոբյանը եւ նրա տեղակալները, ՊԵԿ նախագահի տեղակալ Արամ Մանուկյանը, «Ամերիա» ընկերությունների խմբի գործընկեր եւ կառավարման խորհրդատվական ծառայության ղեկավար Տիգրան Ջրբաշյանը, «Արտահանում Հայաստան» ասոցիացիան, ինչպես նաեւ փորձագետներ:


Կառավարությունը հաստատել է արդյունաբերության զարգացման հինգ գերակա ուղղություններ՝ ոսկերչական իրեր, ալմաստի արտադրություն, թեթև և ծանր արդյունաբերություն, սարքաշինություն և դեղագործություն։ Հիմնավորվել են դրանց ընտրության մեթոդաբանությունը, պատճառները և ռազմավարությունը, որոնց միջոցով կառավարությունը նախատեսում է նոր ներդրումների ներգրավում այդ ոլորտներում, աշխատատեղերի ստեղծում և այլն:


Շահագրգիռ քննարկման ընթացքում անդրադարձ կկատարվի նաեւ առանձին ոլորտների արտադրողականության բարձրացմանը եւ զարգացման հեռանկարներին վերաբերող մի շարք այլ հարցերի: Կարեւորվել է վերլուծության հիման վրա որոշումների կայացման գործընթացը եւ դրանում փորձագիտական շրջանակների ներգրավումը:


Կառավարության ներկայացուցիչների և փորձագետների հետ քննարկվել են վերոնշյալ ուղղություններով հետագա աշխատանքներն ու հնարավոր հնարավորությունները։

Տպել

Թեմայի այլ նորություններ
Загрузка...