ՀՀ ոստիկանությունը կոչ է անում չմասնակցել այսօրվա հանրահավաքին. "Քաղաքական ուժերը հայտարարությամբ են հանդես եկել, ըստ որի՝ նոյեմբերի 11-ին նախատեսում են հանրահավաք անցկացնել։ Հիշեցնենք, որ սեպտեմբերի 27-ին ՀՀ-ում հայտարարվել է ռազմական դրություն, որի պայմաններում արգելվում են հավաքներ և հանրային միջոցառումներ կազմակերպելը, անցկացնելն ու մասնակցելը։ Հորդորում ենք զերծ մնալ հավաքներ և հանրային միջոցառումներ կազմակերպելուց, անցկացնելուց և դրանց մասնակցելուց",- ասված է հայտարարության մեջ: Հիշեցնենք, 17 կուսակցություններ, որ ավելի վաղ պահանջել էին Նիկոլ Փաշինյանի հրաժարականը, այսօր ՝ նոյեմբերի 11-ին, ժամը 13:00-ին Ազատության հրապարակում հրավիրում են հանրահավաքի, որին կներկայացնեն ստեղծված իրավիճակից ելքը:
