Հանրապետության հրապարակում մեկնարկել է հանրահավաքը: Այն անհնազանդության գործընթացի մեկնարկին ամենաբազմամարդն է:Քաղաքացիական պայմանագիր կուսակցության վարչության անդամ Լենա Նազարյանը, որը Նիկոլ Փաշինյանի համակիր միակ պատգամավորն է, որին բերման չեն ենթարկել, կոչ արեց ցուցարարներին շարունակել պայքարը: Նա հայտարարեց, որ ցուցարարները պետք է շարունակեն զերծ մնալ բռնությունից, խուսափեն ոստիկանների հետ առճակատումից և բախումներից, իսկ գիշերը որևէ մեկը չմնա փողոցում:«Եթե մեզ հետ կապ հաստատել չհաջողվի, հետևեք Նիկոլ Փաշինյանի ֆեյսբուքյան էջին»,- հայտարարեց նա:Շարունակել ամեն օր իրականացնել խաղաղ անհնազանդության գործողություններ Երևանում և հանրապետության բոլոր քաղաքներում. սա է կոչը ցուցարարներին: Նաև տոտալ դասադուլների ու գործադուլների կոչ արվեց: Իսկ ամենօրյա գործողությունները պետք է ամփոփվեն երեկոյան Հանրապետության հրապարակում:Ցուցարարները շարունակում են վանկարկել «Նիկոլ» և «Ազատություն Նիկոլին»: Ի դեպ, ՔՊ անդամները վստահ են, որ իրենց բոլորին ձերբակալելու են, բայց, հավաստիացրեցին նրանք, դա չպետք է խոչընդոտի շարժմանը:
