Վազգեն Սարգսյանի անվան ռազմական ակադեմիայում կայացել է 2024-2025 ուստարվա շրջանավարտների հանդիսավոր ավարտական արարողությունը։ Նրանց շնորհավորել են Պաշտպանության նախարար Սուրեն Պապիկյանը և ԶՈՒ ԳՇ պետ Էդվարդ Ասրյանը։ Հուլիսի 21-ին Վազգեն Սարգսյանի անվան ռազմական ակադեմիայում տեղի է ունեցել 2024-2025 ուստարվա շրջանավարտների ավարտական հանդիսավոր միջոցառումը։ Այս մասին տեղեկացնում են ՀՀ Պաշտպանության նախարարությունից։ Միջոցառմանը մասնակցել են ՀՀ պաշտպանության նախարար Սուրեն Պապիկյանը, պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանը, բարձրաստիճան սպաներ, հյուրեր, ինչպես նաև շրջանավարտների ծնողները։ Տոնական արարողության ընթացքում շրջանավարտներին հանձնվել են ավարտական վկայականներ և խորհրդանշական սպայական դաշույններ՝ նշանավորելով նրանց մուտքը որպես սպայական կազմի նոր սերունդ։ Շնորհավորելով շրջանավարտներին, Սուրեն Պապիկյանը մաղթել է հաջող ծառայություն և տոկունություն։ Իր շնորհավորանքներն ու բարեմաղթանքներն է հղել նաև Զինված ուժերի գլխավոր շտաբի պետ Էդվարդ Ասրյանը՝ ընդգծելով նոր սերնդի պատրաստակամությունն ու պատասխանատվությունը։ Միջոցառումն ավարտվել է ակադեմիայի դրոշին հրաժեշտ տալու արարողությամբ և հանդիսավոր երթով։