Հայաստանի վարչապետ Նիկոլ Փաշինյանն ապրիլին պաշտոնական այցով կժամանի Ռուսաստան։ Այս մասին հայտնել է ՌԴ ԱԳՆ պաշտոնական ներկայացուցիչ Մարիա Զախարովան, հայտնում է գերատեսչության կայքը։ Փաշինյանի այցը նախատեսված է ապրիլի երկրորդ տասնօրյակում: Բացի այդ, Հայաստանի արտգործնախարար Արարատ Միրզոյանը ապրիլի 8-ին կայցելի Ռուսաստան։ «Տարբեր մակարդակներում մշակվում են նաև այլ շփումներ»,- հավելել է Զախարովան։ Մարտի 16-ին հայտնի դարձավ Փաշինյանի մոտալուտ այցը Մոսկվա։ Հայաստանի կառավարության ղեկավարն այցը ծրագրել է ՌԴ նախագահ Վլադիմիր Պուտինի հետ հեռախոսազրույցից հետո։
