Երևանի ընդհանուր իրավասության դատարանը բավարարեց ՀՀ նախկին գլխավոր դատախազ, ՔԿ նախկին նախագահ Աղվան Հովսեփյանի նկատմամբ դատաբժշակական հանձնաժողովային փորձաքննություն նշանակելու մասին պաշտպանների միջնորդությունը։ Ավելի վաղ դատարանը հրատապ նիստ էր հրավիրել՝ Աղվան Հովսեփյանի առողջական վիճակով պայմանավորված խափանման միջոց կալանավորումը փոփոխելու հարցով, սակայն գրավի միջնորդությունը մերժվել էր։ Այնուհետ պաշտպանության կողմը միջնորդություն ներկայացրեց, պահանջելով նշանակել դատաբժշկական հանձնաժողովային փորձաքննություն: Նշենք, որ Աղվան Հովսեփյանը ձերբկալվել է 2021թ սեպտեմբերի 7-ին։
