Թուրքիայի համար կշարունակի ռազմավարական առաջնահերթություն մնալ Եվրամիությանն ինտեգրվելու քաղաքականությունը: Այս մասին Le Figaro թերթին տված հարցազրույցում հայտարարել է Թուրքիայի ԱԳ նախարար Մևլյութ Չավուշօղլուն:Նախարարի խոսքով, Թուրքիայի և ԵՄ-ի միջև հարաբերությունների թեման շարունակում է մնալ եվրոպական ԶԼՄ-ներում ամենաշատ քննարկվողներից մեկը: Նա նաև նշել է, որ Եվրոպայում հնչող մի շարք հայտարարություններ առաջացնում են Անկարայի անհանգստությունը:Չավուշօղլուն հայտարարել է, որ Թուրքիան իբրև թե հետևում է Եվրոպական միության մասին պայմանագրի բոլոր չափորոշիչներին, սակայն ԵՄ մի շարք երկրներ արհեստական խոչընդոտներ են ստեղծում անդամակցության ճանապարհին. «Անկարան պատրաստ է երկխոսության: Գործընթացը ձգձգող կողմը Եվրամիությունն է»,-հայտարարել է Չավուշօղլուն:Նա նաև նշել է, որ Թուրքիայի շնորհիվ անօրինական ներգաղթյալների հոսքը եվրոպական երկրներ հասել է նվազագույնի:
