Հայաստանի վարչապետ Նիկոլ Փաշինյանը ուրբաթ օրը Նուր-Սուլթանում կայացած Եվրասիական միջկառավարական խորհրդի նիստում հայտարարեց թվային տնտեսության առանցքային դերի մասին ԵԱՏՄ զարգացման գործում, գրում է ՌԻԱ Նովոստին։ «Այսօր թվային տեխնոլոգիաների զարգացման մակարդակը որոշիչ դեր է խաղում երկրների և տնտեսական միությունների մրցունակության հարցում։ Հայաստանի Հանրապետությունը համարում է անցումը թվային տնտեսության՝ որպես տնտեսական աճի առանցքային շարժիչ ուժ։ Ակտիվորեն մասնակցում և աջակցում է Միության թվային օրակարգի ձեւավորմանն ու իրականացմանը»,- ասաց Փաշինյանը։ Այս համատեքստում նա ընդգծել է արդյունաբերական համագործակցության, ենթակապալառուների և տեխնոլոգիաների փոխանցման եվրասիական ցանցի նախագծի իրագործման կարևորությունը։ «Միության երկրների արդյունաբերական համագործակցությունը պետք է ուղղված լինի առաջնահերթ ոլորտներում արդյունաբերական համագործակցության խորացմանը և փոխադարձ առևտրի խոչընդոտների վերացմանը, ներմուծման փոխարինման զարգացմանը, նորարարությունների ներդրմանը, բարձր տեխնոլոգիական նոր ճյուղերի ստեղծմանը»,- նշել է ՀՀ կառավարության ղեկավարը։ Նրա խոսքով, Հայաստանը միկրոէլեկտրոնիկայի ոլորտում ունի հնարավորություններ, որոնք թույլ են տալիս արտադրել բարդ էլեկտրոնային արտադրանք, ինչը ևս մեկ կարևոր քայլ կարող է լինել Միության շրջանակներում միկրոէլեկտրոնիկայի ձեռնարկությունների միջև համագործակցության զարգացման գործում։ «Բացի այդ, մենք նաև կարևոր ենք համարում քաղաքացիական ինքնաթիռների շինարարության ոլորտում արդյունաբերական համագործակցության ընդլայնումը: Այս ոլորտի զարգացումը թույլ կտա արդյունաբերողներին կենտրոնացնել իրենց ուժերը ամենապահանջված ապրանքատեսակների սեփական արտադրության վրա: Անհրաժեշտ է ընդլայնել Միության երկրներում արդյունաբերությանը պետական աջակցության գործիքները և դրանց առաջ շարժման հնարավոր ուղղությունը»,- ասաց Փաշինյանը։
