Ադրբեջանն ընդդեմ Հայաստանի միջպետական հայց է ներկայացրել ՄԻԵԴ: ՄԻԵԴ-ում Ադրբեջանի լիազոր ներկայացուցիչ Չինգիզ Ասկերովը հայտարարել է, թե հայցում ներկայացված են «փաստեր» այն մասին, որ Երևանը պատասխանատու է «2022 թվականի մայիս-օգոստոս ամիսներին Բերձոր քաղաքում, Աղավնո և Սուս գյուղերում ադրբեջանական հարյուրավոր գույքի ոչնչացման համար»։ VERELQ-ը հիշեցնում է, որ օգոստոսի վերջին նշված համայնքները հանձնվեցին Ադրբեջանին, որտեղ այժմ ռազմաբազաներ են կառուցվել: