Բիշքեկում կայանալիք ԵԱՏՄ և ԱՊՀ միջկառավարական խորհուրդներում Հայաստանը կներկայացնի փոխվարչապետ Մհեր Գրիգորյանը։ Այդ մասին հայտնում են Կառավարության տեղեկատվության և հասարակայնության հետ կապերի վարչությունից։ Այսպիսով, հոկտեմբերի 25-26-ը տեղի կունենա Շանհայի Համագործակցության Կազմակերպության (ՇՀԿ) կառավարությունների ղեկավարների խորհուրդը, իսկ հոկտեմբերի 26-27-ը՝ ԱՊՀ երկրների վարչապետների ու ԵԱՏՄ միջկառավարական խորհրդի նիստերը։ VERELQ-ը հիշեցնում է, որ վարչապետ Նիկոլ Փաշինյանը մեկօրյա այցով մեկնել է Վրաստան, որտեղ մասնակցում է Թբիլիսիի «Մետաքսի ճանապարհ» միջազգային համաժողովին: Այցի շրջանակում նախատեսված է նաև Հայաստանի և Վրաստանի վարչապետներ Նիկոլ Փաշինյանի և Իրակլի Ղարիբաշվիլիի հանդիպումը:
