Աշխարհ

Երկ
09
Jan

Foreign Policy. Աշխարհը թևակոխում է ամենավտանգավոր տասնամյակը

Foreign Policy ամսագիրը ներկայացնում է նոր տարում արդիական 10 հակամարտությունների ցուցակը։ Դրանց թվում պարբերականն առանձնացնում է Սիրիայի եւ Ուկրաինայի հակամարտությունները, որոնցում կարեւոր դեր է խաղում Մոսկվան։ Ամսագրի կանխատեսումներով՝ Սիրիայում հրադադարը հույս է ներշնչում, որ 2017-ին դիվանագիտության մեջ նոր առաջընթաց կլինի, իսկ Ուկրաինայի հակամարտության դեպքում անհրաժեշտ է խստացնել հակառուսական պատժամիջոցները, ասված է հոդվածում։

Երկ
09
Jan

Ադրբեջանը շարունակում է "գնել" ԵԽԽՎ պաշտոնյաներին բրիտանական ընկերությունների միջոցով

Լոնդոնում լույս տեսնող The Observer շաբաթաթերթի լրագրողները հանդես են եկել հերթական սկանդալային հայտարարությամբ ՝ բրիտանական առնվազն չորս ընկերություններ առնչություններ ունեն Ադրբեջանի կողմից եվրոպական կառույցների ներկայացուցիչներին տրված կաշառքների հետ: Այս մասին գրում է ELQ-ը:

Ուրբ
30
Dec

ԱՄՆ-ն պատժամիջոցներ է սահմանել Ռուսաստանի Գլխավոր շտաբի ԳՀՎ-ի եւ ԱԴԾ-ի նկատմամբ

ԱՄՆ-ը Ռուսաստանի նկատմամբ պատժամիջոցներ է սահմանել ամերիկյան ընտրական համակարգի դեմ կիբերհարձակման պատճառով, հայտնում է ՏԱՍՍ-ը՝ վկայակոչելով ԱՄՆ ֆինանսների նախարարության հայտարարությունը։

Նշում են, որ ԱՄՆ պատժամիջոցներ է սահմանել Ռուսաստանի Գլխավոր շտաբի Գլխավոր հետախուզական վարչության, Անվտանգության դաշնային ծառայության, նկատմամբ։ Ամերիկյան նոր սեւ ցուցակում են ներառվել Վլադիմիր Ալեքսեեւը, Սերգեյ Գիզունովը, Եվգենի Բոգաչովը, Իգոր Կորոբովը, ու Իգոր Կոստյուկովը։

Չոր
28
Dec

Bild. Քիսինջերը պետք է կանխի նոր սառը պատերազմը

Դոնալդ Թրամփը իր կողմն է գրավում արտաքին քաղաքականության ոլորտի ծանրաքաշին, գրում է Bild –ը։ Նախկին արտգործնախարար առասպելական Հենրի Քիսինջերը պետք է ամբողջ աշխարհին բացատրի ԱՄՆ ապագա նախագահի արտաքին քաղաքական ծրագրերը, նաեւ այն, թե նա ինչ նկատի ուներ, երբ Twitter-ում ակնկարկում էր Ռուսաստանի հետ նոր միջուկային մրցավազքի մասին։ Պարբերականի տեղեկություններով, Քիսինջերը Ուկրաինայում իրավիճակի կարգավորման ծրագրի հեղինակն է համարվում։

Չոր
28
Dec

Պետդեպն «անհեթեթ» է անվանել Էրդողանի հայտարարությունը, թե ԱՄՆ-ն սատարում է ԻՊ-ին

ԱՄՆ Պետքարտուղարությունում մեկնաբանել են Թուրքիայի նախագահ Ռեջեփ Թայիփ Էրդողանի այն հայտարարությունը, թե ԱՄՆ-ն Սիրիայում աջակցում է ահաբեկիչներին:

Ավելի վաղ Էրդողանը հայտարարել էր, որ ապացույցներ ունի, որ ԱՄՆ գլխավորած կոալիցիան աջակցում է Սիրիայում գործող ահաբեկչական խմբերին, այդ թվում «Իսլամական պետությանը»: Թուրքիայի նախագահը նաև մեղադրել է կոալիցիային պարտավորությունները չկատարելու մեջ:

«Դա անհեթեթ հայտարարություն է»,-նշել է գերատեսչության պաշտոնական ներկայացուցիչ Մարկ Թոները:

Չոր
28
Dec

Atlantico. 2017-ի աշխարհաքաղաքական միտումները

2016-ը մոտենում է ավատին, ու Atlantico-ն իր ընթերցողներին է առաջարկում մի շարք կանխատեսումներ 2017-ի համար։ Ֆրանսիացի աշխարհաքաղաքագետ ու հրապարակախոս Ալեքսանդր դել Վալի կարծիքով՝ 2017-ը կարող է դառնալ Ռուսաստանի մեծ վերադարձի ու հզորացման տարի, ընդհուպ մինչեւ բարձր դիրքեր միջազգային ասպարեզում։

Երք
27
Dec

Քիսինջերը ՌԴ-ի հետ հաշտեցման վերաբերյալ պլան ունի Թրամփի համար

Նախկին պետքարտուղար Հենրի Քիսինջերը ԱՄՆ նորընտիր նախագահ Դոնալդ Թրամի համար մշակում է պլան՝ ուղղված Ռուսաստանի հետ հարաբերությունների նորմալացմանը։ Այս մասին գրում է Bild գերմանական տաբլոիդը։

Ինչպես նշում է պարբերականը՝ 93-ամյա դիվանագետը, ով բազմիցս հանդիպել է ՌԴ նախագահ Վլադիմիր Պուտինի հետ, ճիշտ քայլ է համարում Ռուսաստանի հետ հաշտեցումը՝ Չինաստանի ուժեղացման ֆոնին։ ԱՄՆ-ի և Ռուսաստանի միջև հավասարակշռությունը, նրա կարծիքով՝ կնպաստի գլոբալ կայունության ամրապնդմանը։

Երկ
26
Dec

ՌԴ ԱԳՆ. Օբամայի 8-ամյա կառավարումն ամբողջ աշխարհի նողկանքն է հարուցել

Президент США Барак Обама

ԱՄՆ նախագահ Բարաք Օբամայի եւ նրա թիմի 8-ամյա կառավարումը ամբողջ աշխարհի նողկանքն է հարուցել: Այս մասին հայտարարել է Ռուսաստանի ԱԳ նախարարության պաշտոնական ներկայացուցիչ Մարիա Զախարովան:

«Ինձ թվում է, որ նա այն մարդն է եւ թիմը, իհարկե մարդ ասելով՝ նկատի ունենք նրա թիմը, որը մջազգային ասպարեզում բոլորի համար է վատը եղել: Ինձ թվում է, որ իր բացառիկության կարգախոսով այս 8-ամյա կառավարմամբ նրանք ամբողջ աշխարհի նողկանքն են հարուցել»,- ասել է նա:

Շաբ
24
Dec

Ուկրաինացի նախկին պատգամավորը մեղադրել է Պորոշենկոյին բազմամիլիոնանոց մեքենայությունների մեջ

Петр Порошенко

Ուկրաինական Ռադայի նախկին պատգամավոր Ալեքսանդր Օնիշենկոն մեղադրում է երկրի նախագահ Պյոտր Պորոշենկոյին բազմամիլիոնանոց յուրացումներում: Արտերկրում թաքնվող նախկին պատգամավորը այդ մասին գրել է Time հոդվածում:

Հրապարակման մեջ նշվում է, որ Օնիշենկոն անձամբ է հետևել, թե ինչպես է Պորոշենկոն մասնակցել աննախադեպ մասշտաբի կոռուպցիոն գործերում: Նա ասել է, որ Պորոշենկոն հարյուրավոր միլիոններ է յուրացրել Ուկրաինայի յուրաքանչյուր պետական ձեռնարկությունների գործարքներից:

Ուրբ
23
Dec

Թրամփի հաղթանակին ոչ ոք չէր հավատում՝ մեզանից բացի. Պուտին

ԱՄՆ նորընտիր նախագահ Դոնալդ Թրամփը զգացել է հասարակության տրամադրությունը և նախընտրական արշավում գնացել մինչև վերջ, չնայած ոչ ոք չէր հավատում, որ նա կհաղթի՝ մեզանից բացի: Այդ մասին հայտարարել է Ռուսաստանի նախագահ Վլադիմիր Պուտինը մեծ ասուլիսի ժամանակ:

Պուտինի խոսքով՝ ԱՄՆ-ի ներկայիս ղեկավարությունը փորձում է իր բոլոր ձախողումները բարդել արտաքին գործոնների վրա:

Նա նշել է նաև, որ ԱՄՆ-ի և Ռուսաստանի ժողովուրդների փոխադարձ համակրանքի հիման վրա կարելի է կառուցել երկու երկրների միջև սերտ հարաբերություններ:

Էջեր

Subscribe to RSS - Աշխարհ