Դեսպան. Բաքուն և Անկարան դյուրացնում են՝ երկու երկրների զբոսաշրջիկների համար վիզային ռեժիմը

Ադրբեջանը և Թուրքիան՝ երկու երկրների զբոսաշրջիկների համար առանց վիզայի ռեժիմի ժամկետը ավելացրել են 30-ից մինչև 90 օր, հայտարարել է Բաքվում Թուրքիայի դեսպան Էրքան Օզորալը:

«Ներկայումս Ադրբեջանի և Թուրքիայի քաղաքացիները, որպես զբոսաշրջիկ 30 օրվա ընթացքում առանց վիզայի կարող են այցելել միմյանց: Մենք այդ ժամանակահատվածը կավելացնենք մինչև 90 օր: Համապատասխան համաձայնագիրը ստորագրվել է անցած շաբաթ՝ Թուրքիայի նախագահ Ռեջեփ Թայիբ Էրդողանի Բաքու այցի շրջանակներում», - նշել է նա:

Դեսպանը նշել է, որ Ադրբեջանի և Թուրքիայի միջև առանց վիզայի ռեժիմի ժամանակահատվածի ավելացումը՝ կդյուրացնի երկու երկրների միջև զբոսաշրջային հոսքը: