Ռազմական փորձագետ. Անկարան կարող է հասնել մինչև Դամասկոս

Եթե Անկարան վերջնական որոշում կայացնի Սիրիա ներխուժման հետ կապված, ապա թուրքերն ունեն բավարար ուժեր մինչև Դամասկոս հասնելու համար: Իդլիբի օպերատիվ խորությունը մեծ չէ՝թուրքական բանակի մեկ կորպուսի շրջանակներում, իսկ դա 40.000 մարդ է, դրան գումարած 20.000 գրոհայիններ: Այդ մասին հայտարարել է ռազմական փորձագետ Կոնստանտին Սիվկովը:

Նա նշել է, որ եթե հակամարտությունը տեղափոխվի թեժ փուլ, ապա ոչ սիրիացիները, ոչ ռուսները, որոնք փորձում են աջակցել Ասադին թուրքերի դեմ պատերազմում, չեն կարողանալու դիմագրավեն թուրքական այդ ռազմական բռունցքին:

Ըստ նրա, սիրիական բանակի մարտունակության մասին շատ է խոսվել, իսկ Սիրիայում առկա ռուսական խմբավորումը կտրված է լինելու մատակարարումներից: