Ընտրություններից հետո Փաշինյանը կունենա ուժեղ մանդատ վճռական քայլեր անելու համար. Բոլտոն

398

ԱՄՆ նախագահի՝ Ազգային անվտանգության հարցերով խորհրդական Ջոն Բոլթոնը դեկտեմբերին ՀՀ-ում սպասվող արտահերթ խորհրդարանական ընտրություններին բարձր է գնահատել վարչապետի պաշտոնակատար Նիկոլ Փաշինյանի թիմի հաղթանակի շանսերը:


«Քննրակել ենք առաջիկայում սպասվող ընտրությունները», - ասաց ԱՄՆ նախագահի՝ Ազգային անվտանգության հարցերով խորհրդական Ջոն Բոլթոն՝ լրագրողների հետ զրույցում անդրադառնալով ՀՀ-ում տեղի ունեցած թավշյա հեղափոխությանը: Նա նշեց, որ վարչապետի պաշտոնակատարի հետ հանդիպմանը քննարկել են առաջիկայում սպասվող ընտրությունները: Հասարակական կարծիքի ուսումնասիրությունները թույլ են տալիս մտածելու, որ նա ընտրություններում հաջողություն կունենա, նկատեց Բոլտոնը:


«Ես նրան հարցրեցի, թե որն է իր հաջողության գաղտնիքը: Նա չպատասխանեց»,- ասաց նա՝ հավելելով, որ գուցե ընտրություններից հետո Նիկոլ Փաշինյանից կիմանա պատասխանը: Ջոն Բոլթոնը նշեց, որ այսօր հանդիպում է ունեցել նաև հետազոտողների հետ, որոնց հետ քննարկումներից պարզ է դարձել, որ ԼՂ հիմնախնդրի կարգավորումը ՀՀ-ի համար մնում է առաջնային հարցերից մեկը:


Պատասխանելով բանակցությունների եւ այն մասին թե դրանց վերսկման դեպքում ինչպիսին կլինի փաստաթուղթը հարցին, Բոլթոնը նշեց, որ չի ցանկանում կանխագուշակել՝ նկատելով միայն, որ հայկական կողմն ակնհայտորեն աջակցում է ԵԱՀԿ Մինսկի խմբին: Նորից վկայակոչելով Բեյքերին, նա նշեց, որ կողմերը կարող են եւ պետք է ամեն ինչ քննարկեն, խոսեն ամեն ինչի մասին:


«Եթե ընտրությունների արդյունքներով Փաշինյանը եւ նրա քաղաքական թիմը մեծ մանդատ ստանան, դա լավ հնարավորություն կլինի կարգավորման հարցում վճռական քայլերի համար»,- ասաց նա՝ հավելելով, որ եթե համապատասխան պատրաստակամություն լինի, հարկավոր է նման մոտեցման վերաբերյալ աշխատել նաեւ ադրբեջանակնա կողմի հետ:

Տպել

Թեմայի այլ նորություններ
Загрузка...