Փաշինյանն այլընտրանք չունի. Գեւորգ Կոստանյանը ցանկացած պահին կկանգնի նրա կողքին

Փաշինյանը հորդորել է քաջալերել ԱԺ-ն լուծարելու կողմնակից պատգամավորներին

08.10.2018

ՀՀ վարչապետ Նիկոլ Փաշինյանը հորդորել է քաջալերել եւ ոչ թե մեղադրել այն պատգամավորներին, ովքեր հանդես են գալիս գործող ԱԺ-ն լուծարելու եւ դեկտեմբերին արտահերթ ընտրություններ անցկացնելու օգտին:

«Սիրելի հայրենակիցներ. անհրաժեշտ է քաջալերել եւ ոչ թե մեղադրել այն պատգամավորներին, ովքեր հանդես են գալիս գործող ԱԺ-ն լուծարելու եւ դեկտեմբերին արտահերթ ընտրություններ անցկացնելու օգտին:

Նրանք, ըստ էության, կատարում են ձեր պահանջը։ Քաջալերենք բոլոր նրանց, ովքեր ընդունում են, որ չկա ոչինչ ավելի բարձր՝ քան ժողովրդի կամքը։ Դուխո՛վ», - ասված է Փաշինյանի Facebook-յան գրառման մեջ:

Մինչ այդ նախկին եւ ներկա ՀՀԿ-ական մի քանի պատգամավորներ հայտարարեցին, որ կողմ են արտահերթ ընտրությունների շուտափույթ անցկացմանը: Դրանց թվում էին Արման Սահակյանը, նախկին ոստիկանապետ Ալիկ Սարգսյանը եւ Գեւորգ Կոստանյանը: